Hörður Snævar Jónsson skrirfar frá Rússlandi:

,,Spennan er að koma, maður finnur að þetta er að nálgast,“ sagði Rúnar Alex Rúnarsson markvörður íslenska landsliðsins fyrir æfingu í Rússlandi í dag.

Rúnar er að fara á sitt fyrsta stórmót en þess ungi og öflugi markvörður á sér glæsta framtíð.

Meira:
Rúnar Alex stoltur af því að vera í landsliðinu – ,, Þarf að reyna að muna að njóta hverrar mínútu“

Talsverður frítími er fyrir leikmenn en hvernig hefur Rúnar nýtt sinn?

,,Ég fór í körfubolta í gær og svo er maður búinn að vera að horfa á Netflix,“ sagði Rúnar.

Hann hefur bæði horft á biómyndir og þætti og gæti hugsað sér feril í New York sem verðbréfsali að loknum knattspyrnuferlinum.

,,Ég er búinn að horfa á Wolf of Wall Street og Friends, ég held að ég yrði mjög góður sem Wolf of Wall Street, ég sleppi eiturlyfjunum og öllu því slæma.“

,,Ég held að ég gæti orðið ansi góður í einhverju svona.“