Stjarnan vann sinn fyrsta sigur í Pepsi-deild karla í sumar í kvöld er liðið fékk Fylki í heimsókn í Garðabæinn.
Stjörnumenn voru ekki í miklum vandræðum með gestina og unnu að lokum þægilegan 3-0 sigur.
Guðjón Baldvinsson, Hilmar Árni Halldórsson og Baldur Sigurðsson gerðu mörk bláliða í kvöld.
Íslandsmeistarar Vals lentu í veseni í Grindavík í kvöld er liðið þurfti að sætta sig við 2-1 tap gegn heimamönnum.
Jose Enrique eða Sito gerði sigurmark Grindavíkur í leiknum beint úr aukaspyrnu undir lokin. Geggjað mark.
Breiðablik og Víkingur Reykjavík áttust þá við í Kópavogi en þeim leik lauk með markalausu jafntefli.
Stjarnan 3-0 Fylkir
1-0 Guðjón Baldvinsson(13′)
2-0 Hilmar Árni Halldórsson(21′)
3-0 Baldur Sigurðsson(82′)
Grindavík 2-1 Valur
1-0 Aron Jóhannsson(13′)
1-1 Patrick Pedersen(víti, 44′)
2-1 Sito(87′)
Breiðablik 0-0 Víkingur R.