Pepsi deild karla hefur farið af stað með miklum ágætum og þá sérstaklega þegar leikirnir hafa farið fram á sléttu gervigrasi.
Vellirnir í Pepsi deildinni sem eru með grasi hafa flestir komið illa undan vetri. Völlurinn í Kaplakrika, í Grindavík og í Vestmannaeyjum hafa komið best undan vetri. Í Kópavogi hefur völlurinn orðið betri eftir að hafa verið þungur í upphafi móts.
Á Akureyri, í Frostaskjóli, í Víkinni og í Grafarvogi eru vellirnir vægast sagt slakir. Það hefur áhrif á skemmtanagildi leiksins.
Ingólfur Sigurðsson bendir á sláandi staðreynd á Twitter. Í leikjum á gervigrasi á þessu tímabili hafa komið 4,1 mark að meðaltali í leik.
Á misjöfnum grasvöllum þar sem erfitt er að spila góðan fótbolta kemur að meðaltali 1,8 mark í leik.
Miðað við þessa tölfræði ætti skemmtunum að vera meiri í deildinni á næstu leiktíð en þá munu Fylkir, Víkingur og Breiðablik öll vera á gervigrasi utan dyra, að því gefnu að verða áfram í deildinni.
Tölfræðin:
17 grasleikir: 32 mörk
10 gervigrasleikir: 41 mark
1,8 mark í leik að meðaltali á grasi.
4,1 mörk í leik að meðaltali á gervigrasi.
Þrjú markalaus jafntefli. Allt grasleikir.
17 grasleikir: 32 mörk
10 gervigrasleikir: 41 mark1,8 mark í leik að meðaltali á grasi.
4,1 mörk í leik að meðaltali á gervigrasi.Þrjú markalaus jafntefli. Allt grasleikir.
— Ingólfur Sigurðsson (@ingolfursig) May 23, 2018