FH mistókst að skella sér á topp Pepsi deildarinnar er liðið heimsótti ÍBV í dag.
Eyjamenn voru fyrir leikinn með eitt stig en FH með níu stig eftir fjóra leiki.
Leikurinn var jafn en FH fékk betri færin í fyrri hálfleiknum.
Leiknum lauk hins vegar með markalausu jafntefli en ÍBV er með tvö stig en FH með tíu stig líkt og topplið Breiðabliks
Plús:
Það eru frábær tíðindi fyrir Eyjamenn að halda hreinu, þar þarf liðið að byrja til að fara að vinna leiki.
Halldór Páll Geirsson var mættur í markið hjá ÍBV og færði það aukið traust í vörn liðsins.
Egill Darri Makan Þorvaldsson ungur bakvörður FH er að bæta leik sinn mikið í hverjum leik. Gríðarlegt efni þar á ferð.
Mínus:
Það að FH geti ekki skorað gegn einu af slakari liðum deildarinnar er áhyggjuefni fyrir Ólaf Kristjánsson.
Ólafur þarf að finna sína sterkustu sóknarlínu en Geoffrey Wynton Mandelano Castillion framherji liðsins bætti engu við þegar hann kom inn í dag.
ÍBV er með tvö stig eftir fimm leiki, liðið þarf sigur í hvelli ef liðið ætlar ekki að berjast í kjallaranum í allt sumar.