Hörður Björgvin Magnússon er mættur til landsins og æfði með nokkrum liðsfélögum á Laugardalsvelli í dag.
Hörður er á mála hjá Bristol City á Englandi og segist vera í ágætis formi þrátt fyrir lítinn spilatíma undanfarnar vikur.
,,Formið er allt að koma. Ég fékk hálftíma í síðasta leiknum okkar eftir meiðslin þannig það er gott að hafa fengið tilfinninguna fyrir spilun aftur,“ sagði Hörður.
,,Auðvitað var ég að búast við að fá kannski einn heilan leik en ég fékk hálfleik og kvarta ekki. Það er gott að vera kominn hingað og heill.“
,,Við erum eins og beljur hérna þegar við fáum að koma til landsins og hitta strákana. Allir út um allt og við elskum Laugardalsvöllinn þannig við elskum að vera hérna.“
,,Við höfum þrjár vikur til að koma okkur í 100 prósent form og byrjuðum í gær. Fríið var stutt sem við fengum en maður reyndi að gera eitthvað líka í fríinu.“