433Sport

Griezmann frábær er Atletico sigraði Evrópudeildina

Victor Pálsson
Miðvikudaginn 16. maí 2018 20:37

Marseille 0-3 Atletico Madrid
0-1 Antoine Griezmann(21′)
0-2 Antoine Griezmann(49′)
0-3 Gabi(89′)

Atletico Madrid fagnaði sigri í Evrópudeildinni í kvöld er liðið mætti Marseille í úrslitunum í Lyon.

Antoine Griezmann átti frábæran leik í kvöld og kom Atletico yfir á 21. mínútu leiksins í fyrri hálfleik.

Staðan var 1-0 í hálfleik en snemma í þeim síðari bætti Griezmann við marki er hann vippaði boltanum snyrtilega yfir Steve Mandanda, markvörð Marseille.

Marseille reyndi eftir það að klóra í bakkann en Atletico gerði alveg út um leikinn á 89. mínútu leiksins.

Gabi skoraði þá þriðja og síðasta mark leiksins og fagnar Atletico öruggum 3-0 sigri.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af