Benedikt Bóas Hinriksson blaðamaður á Fréttablaðinu segir að íslenska landsliðið í fótbolta sé hundleiðinlegt upp til hópa.
Þetta kom fram í Brennslunni á FM957 í morgun en þar var verið að ræða Fyrir Ísland, þættina á Stöð2.
Þrír þættir eru búnir en Guðmundur Benediktsson stýrir þáttunum. Benedikt gagnrýnir þættina.
,Fyrir Íslands er líklega metnaðarfyllsta verkefni sem að Stöð2 hefur farið í á þessu HM ári, það sem er komið í sýningu. Þetta er ævintýralega vont,“ sagði Benedikt í Brennslunni.
,,Þú getur ekki búið til gott sjónvarp með svona leiðinlegum mönnum, landsliðið í fótbolta er mjög leiðinlegt í fjölmiðlum. Því miður, það er enginn að segja neitt“
Benedikt var þó sáttur með Emil Hallfreðsson sem opnaði sig meira en flestir.
,,Emil Hallfreðsson kom á óvart, hann var til í margt. Aðeins að opna sig, Hörður Björgvin var leiðinlegur.“
,,Við erum orðin svo stór að ef Hörður Björgvin kæmi í þessum þætti og myndi segja að „Hvaða vitleysa er þetta, hvað haldið þið að einhver tannlæknir viti eitthvað.“ Það yrði alþjóðleg frétt:“