Bayern Munich 2 – 0 Real Madrid
1-0 Joshua Kimmich (28′)
1-1 Marcelo (44′)
1-2 Marco Asensio (57′)
Bayern Munich tók á móti Real Madrid í fyrri leik liðanna í undanúrslitum Meistaradeilarinnar í kvöld en leiknum lauk með 2-1 sigri gestanna.
Það var Joshua Kimmich sem opnaði markareikninginn á 28. mínútu þegar hann slapp einn í gegn en setja má spurningamerki við Keylor Navas í marki gestanna sem missti boltann klaufalega framhjá sér.
Marcelo jafnaði hins vegar metin fyrir Real Madrid með frábæru skoti fyrir utan teig en hann hamraði boltanum meðfram jörðini, í fjærhornið og staðan því orðin 1-1.
Á 57. mínútu var svo komið að Marco Asensio en hann slapp einn í gegn og setti boltann snyrtilega framhjá Sven Ulreich í marki heimamanna og staðan því orðin 2-1 fyrir Real Madrid.
Bæjarar reyndu hvað þeir gátu að jafna metin og settu ágætis pressu á gestina, án þess þó að ná að opna þá af einhverju viti og lokatölur því 2-1 fyrir Real Madrid.
Spánverjarnir því í ansi góðum málum fyrir seinni leik liðanna sem fram fer í Madrid þann 1. maí næstkomandi.