Everton 1 – 0 Newcastle
1-0 Theo Walcott (51′)
Everton tók á móti Newcastle í mánudagsleik ensku úrvalsdeildarinnar í kvöld en leiknum lauk með 1-0 sigri heimamanna.
Fyrri hálfleikurinn var afar tíðindalítill og tókst hvorugu liðinu að skapa sér afgerandi marktækifæri og staðan því markalaus í leikhléi.
Það var svo Theo Walcott sem skoraði eina mark leiksins á 51. mínútu þegar hann hamraði boltann upp í þaknetið af stuttu færi.
Gestirnir reyndu að jafna metin en tókst aldrei að opna vörn Everton af einhverju viti og lokatölur því 1-0 fyrir Everton.
Heimamenn eru komnir upp í áttunda sæti deildarinnar í 45 stig en Newcastle er áfram í tíunda sæti deildarinnar með 41 stig.