Ryan Sessegnon 17 ára leikmaður Fulham er byrjaður að kynnast því hvernig netníðingar geta ráðistaf tilhæfislaust á frægt fólk.
Sessegnon mætti á PFA verðlaunin í gær í London, þar var hann tilnefndur sem besti ungi leikmaðurinn á Englandi.
Með honum í för var kærasta hans, Lacie Southion sem einnig er 17 ára og hún hefur mátt þola mörg ógeðsleg ummæli eftir að hafa komið í fyrsta sinn fram með kappanum.
,,Ég myndi skammast mín ef þetta væri kærasta mín,“ skrifar einn á Twitter um Lacie og Sessegnon.
,,Ég hélt að maður með alla þessa peninga myndi ná sér í fallegri kærustu,“ skrifar annar en aðeins er um að ræða nokkur af þeim ógeðslegu ummælum sem þau hafa mátt þola.
Margir voru þó fljótir að styðja þau og koma í veg fyrir að netníðingarnir myndu ná að yfirtaka alla umræðu á myndum af þeim.