WBA tók á móti Liverpool í hádegisleik ensku úrvalsdeildarinnar í dag en leiknum lauk með 2-2 jafntefli.
Liverpool komst í 2-0 í leiknum með mörkum frá þeim Danny Ings og Mohamed Salah en þeir Jake Livermore og Salomon Rondon jöfnuðu metin fyrir WBA í síðari hálfleik og lokatölur því 2-2 í hörkuleik.
Jurgen Klopp, stjóri Liverpool var að vonum svekktur með að missa leikinn niður í jafntefli.
„Mér fannst við stjóna leiknum vel og einu færin sem þeir voru að skapa sér voru eftir föst leikatriði,“ sagði stjórinn.
„Þeir voru mikið að þrýsta á markmanninn okkar í föstum leikatriðum. Það er mikið um þannig bolta í þessu landi en það gerir þetta erfiðara fyrir markmanninn.“
„Leikurinn var þurr og WBA ákvað að vökva ekki völlinn í hálfleik sem gerði okkur erfiðara fyrir að spila boltanum.“
„Það breytir miklu að vökva ekki völlinn en lið eins og WBA þarf ekki að vökva völlinn sinn, þeir geta spilað á þurrum velli í Championship deildinni á næstu leiktíð,“ sagði Klopp pirraður að lokum.