Pep Guardiola stjóri Manchester City ætlar ekki að fylgjast með leik Manchester United og West Brom í dag.
Ef West Brom vinnur sigur á United er ljóst að City er orðið Englandsmeistari.
Það er ekki spurning um hvort heldur hvenær City vinnur deildina en Guardiola býst ekki við því að það gerist í dag.
Hann ætlar að skella sér í golf með syni sínum á meðan leikur United er í gangi.
,,Það eina sem ég pæli í á morgun er hvort það verði fugl eða skolli,“ sagði Guardiola.
,,Ég held að United vinni svo við þurfum bara áfram að klára okkar.“