Manchester United sá til þess að í dag varð Manchester City enskur meistari. United tók á móti West Brom á heimavelli, slakasta liði ensku úrvalsdeildarinnar.
City vann Tottenham í gær og með tapi United í dag er liðið orðið enskur meistari þegar fimm leikir eru eftir.
United átti afar slakan leik í dag en í fyrri hálfleik hefði liðið átt að fá vítaspyrnu þegar brotið var á Ander Herrera.
Liðið spilaði hins vegar einn af sínum slakari leikjum í vetur og það kom í bakið á þeim á 73 mínútu leiksins þegar Jay Rodriguez tryggði sigur gestanna.
Sigur City í deildinni því staðreynd en liðið hefur haft rosalega yfirburði.
United situr í öðru sæti deildarinnar en West Brom í því neðsta og sigurinn breytir litlu fyrir liðið sem er svo gott sem fallið. Liðið er níu stigum frá öruggu sæti og á bara fjóra leiki eftir.