433Sport

Mynd: Eiður Smári og borgarstjórinn mættust í góðgerðarleik í dag

Hörður Snævar Jónsson skrifar
Laugardaginn 14. apríl 2018 22:00

Í dag fór fram góðgerðarleikur fyrir FC Sækó en leikið var í Egilshöll. Þangað voru margir þjóðþekktir einstaklingar mættir.

Verkefnið FC Sækó eða „geðveikur fótbolti“ hófst í Nóvember 2011 sem samstarfsverkefni Hlutverkaseturs, Velferðarsviðs Reykjavíkur og geðsviðs Landspítalans, en FC Sækó er sjálfstætt íþróttafélag.

Tilgangur þess er að efla og auka virkni fólks með geðraskanir og gefa þeim tækifæri til að iðka knattspyrnu sem og að draga úr fordómum. Markmið FC Sækó er fyrst og fremst til efla andlega og líkamlega heilsu fólks, vera sýnileg og hafa gaman. Á æfingum eða í leikjum eru allir jafnir og þannig styðjum við hvort annað og drögum við úr fordómum.

Liðið safnar sér nú fyrir æfingaferð og var því settur upp góðgerðarleikur, þangað var mættur Eiður Smári Guðjohnsen. Einn besti knattspyrnumaður Íslands og einnig Dagur B. Eggertsson, borgarstjóri. Sá var sáttur að mæta Eiði.

,,Takk fyrir skemmtilegan dag og frábæran leik og góðan stuðning við #fcsækó. Heiður fyrir gamlan bakvörður úr Árbænum að fá að mæta þér á vellinum @Eidur22Official – nú get ég glaður lagt skóna á hilluna,“ skrifaði Dagur á Twitter.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af