Það er áhugaverður þáttur á RÚV í kvöld þegar Draumurinn um HM fer af stað en Edda Sif Pálsdóttir sér um þættina.

Hannes Þór Halldórsson og Frederik Schram markmenn liðsins koma fram í áhugaverðu innslagi.

Þeir eiga að útskýra fyrir hvor öðrum um hvaða leikmann er að ræða.

,,Þessi er frekar leiðinlegur, hann hatar markmenn,“ segir Hannes þegar hann reynir að útskýra fyrir Frederik um hvern er að ræða.

Hann er þá að ræða um Kára Árnason miðvörð liðsins sem er einn mikilvægasti leikmaður liðsins.

,,Hann er mjög erfiður við markmenn, alltaf með stæla. Reynir að breiða yfir þegar hann gerir mistök með því að kenna markmanninum um,“ segir Hannes og Frederik fattar að þarna er um að ræða Kára en ekki þarf að taka fram að þarna er um grín að ræða.

Þetta skemmtilega myndskeið má sjá hér að neðan.

Markmennirnir eru ekki par hrifnir af @karibestmeister . #draumurinnumhm #hmruv pic.twitter.com/2PRB4bgW1m

— RÚV Íþróttir (@ruvithrottir) April 13, 2018