Fjórir leikir fóru fram í 8-liða úrslitum Evrópudeildarinnar í kvöld og var þeim að ljúka núna rétt í þessu.
CSKA Moscow og Arsenal gerðu 2-2 jafntefli í Rússlandi en heimamenn komust í 2-0 eftir mörk frá þeim Fedor Chalov og Kirill Nababkin.
Danny Welbeck og Aaron Ramsey jöfnuðu hins vegar metin fyrir Arsenal í síðari hálfleik og lokatölur því 2-2 og gestirnir fara því áfram í undanúrslit keppninnar, samanlegt 6-3.
Marseille vann 5-2 sigur á RB Leipzig í Frakklandi en fyrri leik liðanna lauk með 1-0 sigri þýska liðsins.
Bruma kom RB Leipzig yfir en sjálfsmark frá Stefan Ilsanker, Bouna Sarr og Florian Thauvin komu Marseille í 3-1 í fyrri hálfleik.
Jean-Kevin Augustin minnkaði muninn fyrir Leipzig á 55. mínútu og voru Þjóðverjarnir áfram ef þetta yrðu lokatölur leiksins.
Dimitri Payet kom hins vegar Marseille í 4-2 á 60. mínútu áður en Hiroko Sakai gerði út um vonir gestanna með marki í uppbótartíma og lokatölur því 5-2 fyrir heimamenn.
Salzburg vann svo ótrúlegan 4-1 sigur á Lazio sem þýðir að Ítalirnir eru úr leik en fyrri leik liðanna lauk 4-2 sigri ítalska liðsins og vonbrigðin því mikil á Ítalíu í kvöld.
Sporting vann svo 1-0 sigur á Atletico Madrid en það dugði ekki til þar sem að Spánverjarnir unnu fyrri leikinn, 2-0 á Spáni og fara því áfram í undanúrslitin.
Úrslit og markaskorara má sjá hér fyrir neðan.
CSKA Moscow 2 – 2 Arsenal* (Samanlagt 3-6)
1-0 Fedor Chalov (39′)
2-0 Kirill Nababkin (50′)
2-1 Danny Welbeck (75′)
2-2 Aaron Ramsey (90′)
*Marseille 5 – 2 RasenBallsport Leipzig (Samanlagt 5-3)
0-1 Bruma (2′)
1-1 Stefan Ilsanker (sjálfsmark 6′)
2-1 Bouna Sarr (9′)
3-1 Florian Thauvin (38′)
3-2 Jean-Kevin Augustin (55′)
4-2 Dimitri Payet (60′)
5-2 Hiroki Sakai (93′)
*Salzburg 4 – 1 Lazio (Samanlagt 6-5)
0-1 Ciro Immobile (55′)
1-1 Munas Dabbur (56′)
2-1 Amadou Haidara (65′)
3-1 Hee-Chan Hwang (74′)
4-1 Stefan Lainer (76′)
Sporting CP 1 – 0 Atletico Madrid* (Samanlagt 1-2)
1-0 Fredy Montero (28′)