Ummæli Ólafs Þórðarsonar knattsyrnugoðsagnar hafa vakið mikla athygli en hann er í áhugaverðu spjalli við Gunnlaug Jónsson í Návígi á Fótbolta.net í gær.
Ólafur er 52 ára gamall en hann hefur ekki verið í fótboltanum síðan sumarið 2015 þegar hann var þjálfari Víkings. Einn af þeim sem er óhress við Ólaf og ummæli hans er Helgi Seljan, sjónvarpsmaður á RÚV sem fer mikinn á Twitter og skrifaði. ,,Æ greyið steinþegiðu. Það að keyra vörubíl í Kraftgalla gerir þig ekki að einhverjum old wise man. Því síður að þú hafir geta reimað á þig takkaskó,“
Meira:
Helgi Seljan hjólar í Ólaf – ,,Það að keyra vörubíl í Kraftgalla gerir þig ekki að einhverjum old wise man“
Verið að Rítalín-dópa börn frá unga aldri – „Það er verið að kerlingavæða þetta“
„Börn í dag alin upp í bómull og á brjósti til tvítugs“
„Það er verið að kerlingavæða þetta allt saman. Það má enginn stíga út fyrir línuna, það má ekki segja neitt. Ég hef ekkert á móti femínistum en karlmenn eru bara karlmenn og út á vellinum eru þetta dýrin í skóginum. Það má ekkert lengur,“ sagði Ólafur í viðtalinu
„Það er algjör skandall hvernig þetta er orðið. Það er verið að Rítalín-dópa börn frá unga aldri. Ef ég væri barn í dag, þá væri ég á tvöföldum Rítalín-skammti. Við erum að drepa karakterinn í þessum börnum, í staðinn fyrir að reyna að koma þeim í einhverja útrás til að þau geti notað alla þessa orku og kraft sem í þeim býr.“
Margir taka þó upp hanskann fyrir Ólaf og err Hjörtur Hjartarson útvarpsmaður og Skagamaður einn af þeim. ,,Ég er alls ekki sammála öllu sem Óli Þórðar segir, sumt er outdated rant og vitlaust. Hann er sömuleiðis vinur minn og ein allra besta, heiðarlegasta og yndislegasta manneskja sem ég hef kynnst. Hann hefur reynst mér ótrúlega vel, innan sem utan vallar.Allir sem þekkja hann vita,“ skrifar Hjörtur.
,,Ég leyfi mér jafnframt að gefa ekkert fyrir þessa sem hoppa hér fram og kalla Óla heimskan gamlan, illkvittinn kall. Þeir sömu geta aðeins látið sig dreyma um að verða jafn dásamlegar manneskjur hann sem má ekkert aumt sjá, prinsippmaður fram í hið óendanlega, traustur og hlýr.“
Guðjón Guðmundsson, Gaupi tekur undir með Hirti á Twitter. ,,Vel mælt Hjörtur. Mikið er ég sammála þinni nálgun. Ólafur Þórðarson hefur alltaf talað umbúðalaust og er mikill heiðursmaður. Fók gerir úlfalda og mýflugu til þess að vera í réttu liði. Brandari. Eina,“ skrifar Gaupi.
Ég leyfi mér jafnframt að gefa ekkert fyrir þessa sem hoppa hér fram og kalla Óla heimskan gamlan, illkvittinn kall. Þeir sömu geta aðeins látið sig dreyma um að verða jafn dásamlegar manneskjur hann sem má ekkert aumt sjá, prinsippmaður fram í hið óendanlega, traustur og hlýr.
— Hjörtur Hjartar (@hjorturh) April 11, 2018
