Manchester United lyfti sér upp í sjötta sæti ensku úrvalsdeildarinnar í dag en liðið mætti Fulham á Old Trafford.
United hafði ekki unnið í fjórum leikjum í röð en mætti sterkt til leiks í dag og var í engum vandræðum.
United vann að lokum sannfærandi 4-1 heimasigur á botnliðinu og fer upp fyrir Everton og Bournemouth í töflunni.
Arsenal komst í þriðja sæti deildarinnar á sama tíma en liðið fékk Huddersfield í heimsókn á Emirates.
Arsenal hefur oft spilað betur en í dag en slapp með skrekkinn eftir sigurmark Lucas Torreira á 83. mínútu leiksins.
Jóhann Berg Guðmundsson og Aron Einar Gunnarsson voru báðir í sigurliðum. Burnley vann 1-0 sigur á Brighton og Cardiff vann Southampton 1-0.
Fjörugasti leikur dagsins var þá á London Stadium þar sem West Ham vann 3-2 heimasigur á Crystal Palace.
Manchester United 4-1 Fulham
1-0 Ashley Young(13′)
2-0 Juan Mata(28′)
3-0 Romelu Lukaku(42′)
3-1 Aboubakar Kamara(víti, 67′)
4-1 Marcus Rashford(83′)
Arsenal 1-0 Huddersfield
1-0 Lucas Torreira(83′)
Burnley 1-0 Brighton
1-0 James Tarkowski(40′)
Cardiff 1-0 Southampton
1-0 Callum Paterson(74′)
West Ham 3-2 Crystal Palace
0-1 James McArthur(6′)
1-1 Robert Snodgrass(48′)
2-1 Javier Hernandez(62′)
3-1 Felipe Anderson(65′)
3-2 Jeff Schlupp(76′)