Hlaðvarpsþátturinn, 90 mínútur hefur hafið göngu sína en um er að ræða þátt sem Hörður Snævar Jónsson, ritstjóri 433.is stýrir.
Gestur þáttarins í þessari viku er Tryggvi Guðmundsson, fimmfaldur Íslandsmeistari og markahæsti leikmaður í sögu efstu deildar á Íslandi. Tryggvi átti magnaðan feril, hann var óþolandi leikmaður að mæta. Skoraði mikið og vann titla.
Tryggvi yfirgaf Eyjar og samdi við KR árið 1994. Hann stoppaði þó aðeins í eitt ár í Vesturbænum.
ÍBV hafði samband aðeins ári síðar og vildi fá Tryggva aftur og fékk hann gott samningstilboð frá uppeldisfélaginu.
Tryggvi fer yfir þá ákvörðun en hann spilaði svo með ÍBV í tvö ár áður en hann hélt til Noregs.
,,ÍBV hefur bara samband og vilja fá mig aftur og þá fæ ég allt í einu einhvern alvöru samning, eitthvað sem þekktist ekki á þeim tíma,“ sagði Tryggvi.
,,Þetta myndi örugglega kallast skíta samningur í dag en góður samningur á þeim tíma svo ég ákvað að fara heim aftur.“
,,Atli Eðvalds var ný tekinn við og það var metnaður fann ég, fyrir að gera eitthvað og það kom svo í ljós að það var einhver pæling á bakvið það.“
,,Hann var svolítið að safna Vestmannaeyingum sem voru annars staðar. Ingi Sig var til dæmis í Grindavík, Leifur Geir Hafsteinsson var í Stjörnunni og ég var í KR. Við komum allir þrír til baka.“
,,Það var eitthvað spennandi framundan sem ég hafði góða tilfinningu fyrir. Á fyrsta tímabilinu erum við nálægt því að verða meistarar.“
,,Við byrjuðum helvíti vel og ég byrjaði vel, fjögur mörk í fyrsta leik, það er ekkert til að skammast sín fyrir.“
,,Ég fann það að það var eitthvað að gerast. Það var einhver metnaður og þetta snýst oft um sjálfstraust, góð byrjun hjálpar oft liðum til að halda áfram.“
,,8-1 sigur gegn eins merku liði og Val í fyrsta leik er ágætis byrjun.