Árið er senn á enda og því ekki úr vegi að velja besta knattspyrnumann ársins á Íslandi.
433.is tók saman fimm kosti fyrir lesendur ti að velja úr, um er að ræða leikmenn sem spila stórt hlutverk í íslenska landsliðinu.
Einnig hafa þessir leikmenn gert það gott með félagsliði sínu og tóku þátt í fyrsta Heimsmeistaramóti Íslands.
Alfreð Finnbogason hefur staðið sig vel með Augsburg þegar hann hefur verið heill heilsu, þá skoraði hann fyrsta mark Íslands á HM.
Aron Einar Gunnarsson hefur líkt og Alfreð glímt við meiðsli, hann tók hins vegar þátt í að koma Cardiff upp í ensku úrvalsdeildina og var fyrirliði landsliðsins.
Gylfi Þór Sigurðsson hefur verið magnaður með Everton seinni hluta ársins og verið besti maður liðsins.
Jóhann Berg Guðmundsson hefur verið besti leikmaður Burnley árið 2018, liðið endaði í Evrópusæti á síðustu leiktíð sem kláraðist í maí.
Kári Árnason hefur sýnt magnaða frammistöðu með landsliðinu, hann hefur oftar en ekki verið besti maður liðsins á erfiðu ári.
Við hvetjum lesendur til að kjósa hér að neðan.