Ole Gunnar Solskjær mun stýra liði Manchester United út tímabilið en hann tekur við af Jose Mourinho.
Mourinho var rekinn frá United í gær eftir slæmt gengi á tímabilinu og mun Solskjær stýra liðinu næstu mánuði.
United staðfesti óvart ráðningu Norðmannsins á heimasíðu sinni áður en fréttinni var eytt.
Forsætisráðherra Noregs, Erna Solberg, staðfesti einnig ráðningu Solskjær á Twitter síðu sinni.
Hún óskaði Solskjær til hamingju með starfið og sagði daginn vera frábæran fyrir norskan fótbolta.
,,Frábær dagur fyrir norskan fótbolta. Gangi þér vel að hafa stjórn á Rauðu Djöflunum, @olegs26_ole,“ skrifaði Solberg.
Solberg var ekki lengi að eyða færslunni en ljóst er að fréttirnar áttu ekki að birtast svo snemma.
Færslu hennar má sjá hér.
