Manchester United hefur staðfest að Ole Gunnar Solskjær hafi verið ráðinn knattspyrnustjóri liðsins út þessa leiktíð.
Solskjær lék lengi vel með Manchester United og var þá yfirleitt kallaður, morðinginn með barnsandlitið. Í Englandi var Ole Gunnar yfirleitt nefndur sem „The Baby-faced Assassin“, þar var átt við mörk sem hann skoraði iðulega í lok leikja til að ganga frá andstæðingum United
Jose Mourinho var rekinn úr starfi í gær en United ætlar að ráða stjóra til framtíðar, næsta sumar.
Solskjær hefur síðustu ár stýrt Molde, í heimalandi sínu, Noregi. Hann stýrði áður Cardiff á Englandi en féll þar úr ensku úrvalsdeildinni.
Mike Phelan sem var aðstoðarmaður Sir Alex Ferguson kemur einnig inn til félagsins með Solskjær. Þá verða Michael Carrick og Kieran McKenna áfram í teymi liðsins.
Sky Sports hefur tekið saman fimm atriði sem Solskjær þarf að laga hjá United.
