John Arne Riise, fyrrum leikmaður Liverpool, hefur tjáð sig um frægt atvik sem kom upp árið 2007.

Riise og Craig Bellamy voru þá saman hjá Liverpool og ferðuðust saman í æfingaferð til Portúgals.

Þar lentu þeir í rifrildi sem endaði með því að Bellamy réðst á Riise með golfkylfu, eitthvað sem sá síðarnefndi sér mikið eftir í dag.

Riise er búinn að fyrirgefa Bellamy fyrir árásina en þeir eru þó ekki bestu félagar í dag.

,,Ég hefði viljað að hann myndi hugsa sig tvisvar um. Hann hefði átt að fara aftur í sitt herbergi og við hefðum svo getað klárað þetta morguninn eftir,“ sagði Riise.

,,Hann var mjög skrítinn, hann var hrokafullur, fullur af sjálfstrausti og mjög hávær – hann öskraði mikið á æfingum. Ef þú stóðst í honum þá var hann hins vegar eins og stór hvolpur.“

,,Ég man þegar við mættum Fulham og Clint Dempsey sagði eitthvað við Craig og hann varð skíthræddur.“

,,Bellamy er flókinn og ég veit ekki of mikið um það. Ég get fyrirgefið honum en ég gleymi þessu ekki.“

,,Ef hann hefði hitt mig með fyrsta högginu.. Ef hann hefði lamið mig í sköflunginn þá væri ég búinn.“