Real Madrid varð sér í raun til skammar á heimavelli sínum í gær er liðið mætti CSKA Moskvu í Meistaradeildinni.
Nokkrar stjörnur fengu frí hjá Real í leiknum en það voru þó nokkrir reynsluboltar sem fengu mínútur í 3-0 tapi.
Marcelo, Isco, Gareth Bale, Dani Carvajal, Thibaut Courtois og fleiri fengu að spila í tapinu hræðilega.
Marcelo var með fyrirliðabandið í gær en hann var tekinn af velli í síðari hálfleik. Isco átti þá að taka við bandinu.
Spánverjinn hafði af einhverjum ástæðum engan áhuga á því og sagði Marcelo að leita annað.
Isco hefur ekki átt fast sæti í liði Real síðustu vikur og er sagður vera að íhuga brottför á næsta ári.
,,Ég reyndi að láta Isco fá fyrirliðabandið en hann sagði mér að láta Dani Carvajal fá það. Ég veit ekki ástæðuna,“ sagði Marcelo.