Raheem Sterling, leikmaður Manchester City, varð fyrir kynþáttarfordómum um helgina er liðið heimsótti Chelsea í ensku úrvalsdeildinni.

Stuðningsmaður Chelsea lét ljót ummæli falla í garð Sterling sem var upp við hliðarlínuna á Stamford Bridge.

Ainsley Maitland-Niles, leikmaður Arsenal, upplifði svipað atvik er hann var aðeins 12 ára gamall.

Hann spilaði þá með akademíu Arsenal gegn þýsku liði en hann hélt bara leik áfram líkt og Sterling gerði.

,,Ég hef upplifað kynþáttahatur en ekki sem atvinnumaður heldur í yngri flokkunum,“ sagði Maitland-Niles.

,,Það var svipað og Raheem lenti í. Ég fór að ná í boltann til að taka innkast og ég fékk að heyra kynþáttarfordóma fyrir aftan mig.“

,,Hvað gat ég gert? Ég hélt bara áfram að spila eins og hann gerði. Það særir mann að tala um þetta.“

,,Þess vegna tel ég að það sé svo mikilvægt að eyða þessu úr leiknum.“