Sheikh Khalifa bin Hamad bin Jaber forseti Al-Arabi í Katar segir að Heimir Hallgrímsson fái allan þann stuðning sem hann þarf í starfi.

Heimir skrifaði undir samning við Al-Arabi í vikunni en félagið er sögufrægt í Katar.

Félaginu hefur hins vegar ekki gengið nógu vel síðustu ár en Sheikh Khalifa bin Hamad bin Jaber ætlar félaginu stóra hluti.

,,Þetta er mikilvægt skref yrrir félagið, við þökkum honum fyrir að taka starfið og munu styðja hann hressilega, til að ná árangri og þeim markmiðum sem stuðningsmenn félagsins vilja,“ sagði Sheikh Khalifa bin Hamad bin Jaber.

,,Við höfum talað um alla hluti, við vitum að Al-Arabi er stórt félag, okkar markmið er að byggja upp lið sem mun komast í toppbaráttuna aftur, það þarf vinnu og þolinmæði til þess.“