Erik Hamren, landsliðsþjálfari karlalandsliðsins, tilkynnti í dag hóp liðsins fyrir komandi verkefni gegn Belgum og Katar.
Hamren fór yfir valið á blaðamannafundi í dag en fimm nýir leikmenn voru valdir að þessu sinni vegna meiðsla.
Þeir Jón Daði Böðvarsson, Hólmar Örn Eyjólfsson, Rúnar Már Sigurjónsson, Ragnar Sigurðsson, Björn Bergmann Sigurðarson og Emil Hallfreðsson eru meiddir.
,,Við erum að glíma við mörg meiðsli. Hólmar er meiddur, Jón Daði, Rúnar Már, Ragnar , Björn Bergmann og Emil,“ sagði Hamren.
,,Það er ekkert sem við getum gert í því svo við einbeitum okkur að þeim leikmönnum sem voru valdir.“
,,Síðast þá voru þeir Jón Dagur og Samúel Kári með okkur um tíma en nú verða þeir með okkur allan tímann. Það eru fimm nýir leikmenn í hópnum.“