433Sport

Knattspyrnumaðurinn sem átti heima í fangelsi – ,,Algjör aumingi sem á ekki heima í íþróttum“

Victor Pálsson
Fimmtudaginn 8. nóvember 2018 20:00

Tímavélin:

Sumir knattspyrnumenn haga sér verr á velli en aðrir og væri hægt að nefna fjölmarga vandræðagemsa sem komu sér í vesen í gegnum tíðina.

Einn af þeim er Joey Barton, fyrrum leikmaður Manchester City og Newcastle en hann hefur nú lagt skóna á hilluna.

Barton er flestum kunnur en hann lék lengst með City og stoppaði hjá liðum eins og Newcastle, Queens Park Rangers og Marseille.

Barton ákvað að hætta fyrir ári síðan eftir 15 ára feril sem atvinnumaður. Hann lék einn enskan landsleik.

Það er erfitt að nefna marga grófari og vitlausari leikmenn en Barton sem fékk ófá gul og rauð spjöld á skrautlegum ferli.

Það sem Íslendingar ættu að muna vel eftir er leikur City og QPR tímabilið 2011-2012 þegar það fyrrnefnda fagnaði Englandsmeistaratitlinum.

Í lokaumferðinni þá fékk Barton rautt spjald gegn sínum fyrrum félögum en hann lék þá með QPR.

Guðmundur Benediktsson sá um að lýsa þessum leik en hann er einn af okkar ástsælustu knattspyrnulýsendum.

Barton sló til leikmanns City áður en hann ákvað að sparka í Sergio Aguero eftir að rauða spjaldið fór á loft.

Gummi Ben fór á kostum er hann lýsti þessum leik og bauð upp á nokkra gullmola. Hann er alls enginn aðdáandi miðjumannsins.

,,Hann er vitleysingur, fæddur þannig ég verð bara að fullyrða það,“ sagði Gummi um Barton.

,,Hann er gjörsamlega trylltur þessi vitleysingur. Það á að henda þessum manni í fangelsi og ekkert annað. Algjör aumingi sem á ekki heima í íþróttum.“

,,Hunskastu útaf þarna drengvitleysingur. Ég veit ekki hvað er að þessu dýri. Mario Balotelli er bara heilbrigður við hliðina á Joey Barton. Ná í lögregluna, inn í bíl með hann og keyra eitthvað langt í burtu.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

433Sport
Í gær

Plús og mínus úr landsleiknum – ,,Á það að kallast ásættanlegt?“

Plús og mínus úr landsleiknum – ,,Á það að kallast ásættanlegt?“
433Sport
Í gær

Einkunnir Íslands gegn Belgíu – Kári bestur

Einkunnir Íslands gegn Belgíu – Kári bestur
433Sport
Í gær

Byrjunarlið Íslands gegn Belgíu – Arnór byrjar

Byrjunarlið Íslands gegn Belgíu – Arnór byrjar
433Sport
Í gær

,,Hann gæti unnið skallaeinvígi við Frelsisstyttuna“ – Sjáðu ótrúlegan stökkkraft Van Dijk

,,Hann gæti unnið skallaeinvígi við Frelsisstyttuna“ – Sjáðu ótrúlegan stökkkraft Van Dijk
433Sport
Fyrir 2 dögum

Uppalinn hjá Sporting en samdi við ÍBV – Lék fyrir yngri landslið Portúgals

Uppalinn hjá Sporting en samdi við ÍBV – Lék fyrir yngri landslið Portúgals
433Sport
Fyrir 2 dögum

Andri Lucas Guðjohnsen skoraði í sigri Íslands gegn Tyrklandi

Andri Lucas Guðjohnsen skoraði í sigri Íslands gegn Tyrklandi