Samband leikmann í knattspyrnuheiminum er ekki alltaf gott og eru leikmenn sem einfaldlega ná ekki vel saman.
Það má nefna þá Andy Cole og Teddy Sheringham sem spiluðu saman hjá Manchester United og enska landsliðinu.
Cole hefur nú sagt ótrúlega sögu af því þegar hann lék sinn fyrsta enska landsleik og leysti Sheringham af hólmi.
Cole var þá nýbúinn að skrifa undir hjá United en Sheringham lék með Tottenham. Þeir spiluðu svo seinna saman á Old Trafford.
Samband þeirra var þó alls ekki gott eftir framkomu Sheringham er Cole kom inná í sínum fyrsta landsleik.
,,Ég var að koma inná fyrir framan 60 þúsund manns og Sheringham fór útaf á móti,“ sagði Cole.
,,Ég bjóst við stuttu handabandi og ‘Gangi þér vel, Coley’, eða eitthvað. Ég var tilbúinn að taka í hendina á honum.“
,,Hann hundsar mig, hann meðvitandi hundsar mig af engri ástæðu og ég vissi af þessu síðan.“
,,Hann labbaði bara útaf. Ég þekkti hann ekki svo honum getur ekki verið illa við mig. Við vorum samherjar í enska landsliðinu og hann vildi ekki taka eftir mér.“
,,Ég hugsaði bara um leið ‘Jesús Kristur! Hvað voru margir sem tóku eftir því sem Teddy Sheringham gerði?’
,,Ég skammaðist mín og var mjög ringlaður. Eftir þetta þá vissi ég að Sheringham væri ekki maður að mínu skapi.“
,,Tveimur árum seinna, sumarið 1997 eftir að Eric Cantona yfirgaf United þá kom hann til okkar. Við spiluðum saman í mörg ár og skoruðum mikið af mörkum. Ég sagði aldrei eitt orð við hann.“