fbpx
Sunnudagur 20.janúar 2019
433Sport

Guðni horfði á leiki með forseta FIFA: ,,Hann er aðdáandi liðsins og þess sem við stöndum fyrir“

Victor Pálsson
Sunnudaginn 25. nóvember 2018 11:00

Ljósmynd: DV/Hanna

Hlaðvarpsþátturinn, 90 mínútur hefur hafið göngu sína en um er að ræða þátt sem Hörður Snævar Jónsson, ristjóri 433.is stýrir.

Rætt verður um fótbolta við áhugaverða gesti í vetur, farið verður um víðan völl.

Næsti gestur þáttarins er Guðni Bergsson formaður KSÍ sem mun í febrúar reyna að endurnýja umboð sitt í starfi.

Það munu fáir Íslendingar gleyma árinu 2018 er strákarnir okkar spiluðu í fyrsta sinn á heimsmeistaramótinu.

Guðni segir að það hafi verið sérstök upplifun í Rússlandi en hann var sjálfur fyrirliði landsliðsins á sínum tíma.

,,Það var allt stærra. Að vera þarna í Rússlandi í Moskvu og á þessum stóru leikvöngum og í raun stærsta sviði fótboltanns var sérstök upplifun fyrir mig sem fyrrum landsliðsfyrirliða og nú sem formann,“ sagði Guðni.

,,Að upplifa það að við værum með svona sterkt og samkeppnishæft lið á svona stóru móti. Það var gaman, ég sat í tvígang með Gianni Infantino, forseta FIFA, sem er aðdáandi liðsins og þess sem við stöndum fyrir.“

,,Það voru endalaus viðtöl við fjölmiðla út um allan heim, ekki bara á þessu móti heldur fyrir mótið. Það var alltaf verið að spyrja af hverju við værum svona góð. Maður reynir að vera auðmjúkur og útskýra uppbygginguna hér heima.“

,,Þetta er bara árangur okkar allra í fótboltanum, hvort sem þú sért að þjálfa ÍR, Stjörnuna, Val, KR eða FH og svo framvegis og Breiðablik! Svo ég gleymi þeim ekki!“

,,Ég held að við höfum gert gott mót og vakið athygli fyrir það hvernig við fórum fram og í þessum sterka riðli mátti engu muna að við kæmumst í 16-liða úrslit.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

433Sport
Fyrir 21 klukkutímum

Byrjunarlið Arsenal og Chelsea – Ramsey byrjar

Byrjunarlið Arsenal og Chelsea – Ramsey byrjar
433Sport
Fyrir 23 klukkutímum

Ótrúleg dramatík og sjö mörk er Wolves vann Leicester

Ótrúleg dramatík og sjö mörk er Wolves vann Leicester
433Sport
Í gær

Dýrustu leikmenn heims á öllum aldri: 33 ára gamall en kostaði yfir 100 milljónir

Dýrustu leikmenn heims á öllum aldri: 33 ára gamall en kostaði yfir 100 milljónir
433Sport
Í gær

Upphitun fyrir stórleik Arsenal og Chelsea: Sjáðu líkleg byrjunarlið, stuðla og fleira

Upphitun fyrir stórleik Arsenal og Chelsea: Sjáðu líkleg byrjunarlið, stuðla og fleira
433Sport
Fyrir 2 dögum

Mourinho nefnir sitt stærsta afrek hjá United: Eitt það stærsta á ferlinum

Mourinho nefnir sitt stærsta afrek hjá United: Eitt það stærsta á ferlinum
433Sport
Fyrir 2 dögum

Scholes með samsæriskenningar um Mourinho: Augnablikið sem hann sá að allt var í steik

Scholes með samsæriskenningar um Mourinho: Augnablikið sem hann sá að allt var í steik