Ousmane Dembele, leikmaður Barcelona, komst í fréttirnar í síðustu viku er hann missti af æfingu liðsins.
Dembele sagðist vera lítillega veikur og gat ekki mætt á æfingu en hann ákvað að láta engan á vegum félagsins vita.
Spænskir miðlar greina nú frá því að Barcelona hafi miklar áhyggjur af Dembele sem hefur áður fengið neikvæða umfjöllun.
Samkvæmt fréttum dagsins hefur Barcelona áhyggjur af því að Dembele sé háður tölvuleikjum.
Talað er um að Dembele sé vakandi allar nætur til að spila tölvuleiki með félögum sínum.
Dembele er með sjö milljónir fylgjenda á Instagram og hefur birt myndir af sér spila tölvuleiki síðustu mánuði.
Frakkinn kostaði Barcelona risa upphæð á síðasta ári og hefur skorað tíu mörk í 38 leikjum síðan þá.