Football Leaks hefur verið að gera allt vitlaust undanfarna mánuði en þar starfa rannsóknarblaðamenn sem hafa komið upp um ýmis mál tengd knattspyrnu.
FL var á meðal annars aðilinn sem birti sönnunargögn um það að Manchester City og Paris Saint-Germain hafi brotið reglur UEFA þegar kemur að leikmannakaupum.
Það eru þó ekki allar fréttir slæmar en í þetta sinn er fjallað um miðjumanninn N’Golo Kante sem spilar með Chelsea.
Kante er einn allra besti miðjumaður ensku úrvalsdeildarinnar en hann sinnir sínu hlutverki alltaf vel.
Það er örugglega engum sem er illa við Kante en hann er mjög auðmjúkur og lætur frægðina alls ekki fara með sig.
Eftir að hafa skrifað undir hjá Chelsea þá var Kante boðið að vera partur af svindli sem myndi spara honum 870 þúsund pund á ári í skatt.
FL greinir frá því að Kante hafi upprunarlega samþykkt að vera partur af þessu svindli en neitaði svo að skrifa undir þegar stundin rann upp.
Í staðinn bað Kante einfaldlega um að fá venjuleg laun en fyrirtæki sem er staðsett erlendis hefði séð um öll hans mál hefði hann samþykkt þennan samning.
Kante hafði stórar áhyggjur af því að málið yrði síðar rannsakað og ákvað að lokum að taka engan þátt.
Fjölmargir leikmenn og þjálfarar hafa komið sér í vesen undanfarin ár fyrir það að borga ekki skatt. Leikmenn á borð við Alexis Sanchez, Lionel Messi, Cristiano Ronaldo, Neymar og fleiri hafa verið undir smásjá lögreglunnar.