Freyr Alexandersson, aðstoðarþjálfari karlalandsliðsins gefur lítið fyrir pillur frá Ólafi Jóhannesyni, þjálfara Vals.
Ólafur sagði í vikunni að hann hefði ekki neina trú á því að Erik Hamren hefði valið síðasta landsliðshóp, hann setti ábyrgðina á Frey og aðstoðarmenn hans.
„Auðvitað þarf að yngja þetta upp, ég vil meina það. Ég var mjög ósáttur við margt sem var valið í þessa tvo leiki. Enda held ég að hann hafi ekki valið það, þessi Hamrén, það getur ekki verið,“ sagði Ólafur við RÚV.
Freyr var spurður um málið í dag og svaraði fyrir sig.
,,Ég sá viðtalið við Óla, ég þeki hann ágætlega. Hann segir hlutina í fyrirsögnum, hann er einnig góður maður. Hann ætlaði ekki að láta þetta koma út eins og það gerði, Erik Hamren valdi liðið en að sjálfsögðu þá eins og nú og í framtíðinni þá hjálpa ég honum. Ég er aðstoðarmaður hans, aðstoða hann að velja. Hann áttar sig á því hann Óli,“ sagði Freyr.
Hamren vildi einnig fá að svara fyrir þetta.
,,Allir hafa rétt á skoðun, einnig fyrrum þjálfarar landsliðsins. Það eiga alllir þann rétt, þetta er ekki starf fyrir einn. Allir þjálfarar hafa svipaðir hugmyndir að svona vinnu, þú þarft gott fólk í kringum þig. Ég vinn náið með Frey, ég hlusta á aðra. Ég tek ákvörðunina, ég ber ábyrgð.
