Sauðárkrókur hefur alið af sér mikið af þjóðþekktu fólki og í dag eru tveir slíkir í karlalandsliðinu í fótbolta.
Hólmar Örn Eyjólfsson og Rúnar Már Sigurjónsson eru í dag í landsliðinu.
Þeir eru báðir fæddir árið 1990 og hafa lengi verið á sömu leið í fótboltanum, báðir tengjast Tindastóli og báðir léku svo með HK.
Hólmar ólst að mestu upp hjá HK en Rúnar kom þangað á seinni árum til að halda áfram að þróa leik sinn.
,,Eins og ekkert hafi breyst, um 23 ár á milli mynda,“ skrifar Rúnar á Instagram með mynd af þeim félögum.
Þeir voru báðir í byrjunarliði Íslands gegn Frakklandi og Sviss á dögunum.
