Julen Lopetegui, stjóri Real Madrid, er sterklega orðaður við sparkið þessa dagana eftir erfitt gengi á tímabilinu.
Marcelo, leikmaður Real, hefur komið stjóra sínum til varnar eftir 2-1 sigur liðsins á Viktoria Plzen í Meistaradeildinni í gær.
Fjölmiðlar tala um það að Lopetegui verði farinn áður en Real spilar við Barcelona um næstu helgi.
Marcelo segir að blaðamenn séu öfundsjúkir út í leikmenn Real og að eina markmiðið sé að reyna að særa klúbbinn.
,,Það er erfitt þegar þú ert ekki að vinna en þið talið um krísu þegar þið viljið særa félagið,“ sagði Marcelo.
,,Allir blaðamenn eru að reyna að særa okkur, kannski er það því þið öfundið okkur því þið kunnið ekki að spila fótbolta. Að mínu mati er hann að gera frábæra hluti.“