Trevor Sinclair fyrrum kantmaður enska landsliðsins missti stjórn á sér fyrir tæpu ári þegar hann var staddur á veitingastað í Englandi.
Sinclair var úti að borða þegar kona gekk að honum, klappaði honum á hausinn og kallaði hann „súkkulaðihaus“.
,,Þetta var slæmt kvöld, hræðilegt kvöld þar sem ég missti stjórn á mér,“ sagði Sinclair.
,,Ég fór heim eftir þetta en hugsaði svo að þetta myndi ég ekki láta yfir mig ganga, ég fékk son minn til að hringja í lögregluna en var áfram reiður. Ég hefði átt að taka hjólið en ég fór á bílnum.“
Sinclair keyrði um miðbæ Lytham þar sem hlutirnir fóru illa. ,,Það var kona að koma úr leigubíl, ég var á rafmagnsbíl og hún heyrð því ekkert. Ég bremsaði og bíllinn strauk hana, hún meiddist ekki illa sem betur fer.“
Lögreglan kom á svæðið og handtók Sinclair. ,,Ég sagðist hafa verið að drekka og þeir settu mig í bílinn, ég var þar lengi og var að berja á rúðuna og segja þeim að ég væri að pissa á mig. Þeir hlustuðu ekkert, ég kenni þeim ekki um að hafa pissað í bílinn.“