Íþróttarisinn Nike hefur ákveðið að gefa út skóna Tiempo á ný sem voru gríðarlega vinsælir á sínum tíma.
Tiempo skórnir gerðu allt vitlaust á markaðnum fyrir um tíu árum síðan og voru margir af bestu leikmönnum heims sem klæddust þeim.
Fyrir 13 árum síðan birtust skórnir fyrst en það var brasilíska goðsögnin Ronaldinho sem auglýsti þá.
Manst þú eftir myndbandinu er Ronaldinho hitti í slá fjórum sinnum í röð? Hann klæddist þá þessum goðsagnarkenndu skóm.
Ronaldinho lék á þessum tíma með Barcelona og var talinn einn besti ef ekki besti knattspyrnumaður heims.
Það var fyrsta myndbandið á YouTube sem náði í milljón áhorf. Ansi sérstakt afrek!
Nike hefur nú ákveðið að byrja að framleiða þessa skó á ný en aðeins þúsund eintök verða fáanleg.
Hér má sjá myndir af nýju skónum en búið er að fínpússa marga hluti síðan þeir komu fyrst út árið 2005. Einnig fylgir myndbandið umtalaða af Ronaldinho.