Gylfi Þór Sigurðsson hefur átt ansi gott tímabil með Everton á leiktíðinni og hefur verið einn besti maður liðsins.
Gylfi samdi við Everton fyrir síðustu leiktíð en þótti ekki ná sér alveg á strik á sínu fyrsta tímabili.
Gylfi skoraði fjögur mörk í deildinni á síðustu leiktíð í 27 leikjum en hefur skorað fjögur í átta leikjum á þessu ári.
Landsliðsmaðurinn skorar ekki bara mörk heldur er enginn leikmaður sem skapar fleiri færi í úrvalsdeildinni.
Gylfi hefur búið til 23 færi fyrir liðsfélaga sína í deildinni sem er meira en allir aðrir leikmenn.
David Silva hjá Manchester City og Willian hjá Chelsea koma á eftir Gylfa en þeir hafa búið til 22 marktækifæri.
Til að bera Gylfa saman við besta leikmann tímabilsins til þessa, Eden Hazard, þá hefur Belginn búið til 19 færi fyrir Chelsea.