Vandræði íslenska karlalandsliðsins í fótbolta halda áfram en liðið tapaði 1-2 gegn Sviss á heimavelli í kvöld.
Um var að ræða leik í Þjóðadeldinni en bæði mörk Sviss komu í síðari hálfleik. Alfreð Finnbogason lagaði stöðuna á 81 mínútu með geggjuðu marki.
Þetta var sjötti keppnisleikur Íslands á árinu og er uppskeran aðeins eitt stig.
Leikur Íslands var með ágætum í fyrri hálfleik en mistök varnarlega í þeim síðari voru dýrkeypt.
Einkunnir úr leiknum eru hér að neðan.
Hannes Þór Halldórsson 5
Gat lítið gert í mörkunum en þurfti heldur ekki oft að taka á honum stóra sínum.
Hólmar Örn Eyjólfsson 5
Var ekki jafn öruggur og gegn Frakklandi, varnarhlutverkinu sinnir hann með ágætum þó vanti ögn í sóknarleikinn.
Ragnar Sigurðsson 6
Komst vel frá öllum baráttum og varðist vel í kvöld.
Kári Árnason 6
Var stundum á tæpasta vaði þegar línan kom ofarlega á völlinn, leiðtogi liðsins.
Hörður Björgvin Magnússon 4
Hélt ekki línunni í fyrsta marki leiksins sem var dýrkeypt og var á eftir í öðru markinu.
Jóhann Berg Guðmundsson 6
Hélt vel í boltann en vantaði að ógna meira þegar leið á leikinn.
Rúnar Már Sigurjónsson (84) 6
Harður í horn að taka og spilaði fínasta leik.
Birkir Bjarnason 6
Var kaflaskiptur, var stundum að tapa boltanum en var einnig duglegur að vinna hann til baka.
Arnór Ingvi Traustason (´67) 4
Komst aldrei í takt við leikinn, hvorki varnar né sóknarlega.
Gylfi Sigurðsson 7
Var að reyna að búa til hluti og var óheppinn að skora ekki í fyrr hálfleik. Frábær síðustu fimmtán mínútur leiksins.
Alfreð Finnbogason 7 – Maður leiksins
Vann vel og var óheppinn að skora ekki fyrr í leiknum. Markið hans var stórkostlegt.
Varamenn:
Rúrik Gíslasn (´67) 5
Kom með ágætis kraft.