Leon Bailey, leikmaður Bayer Leverkusen, hafnaði því að spila fyrir landslið Jamaíka í dag en hann átti að spila sinn fyrsta landsleik gegn liði Bonaire.
Bailey ákvað á dögunum að samþykkja að spila fyrir landslið Jamaíku en hann er einnig löglegur með enska landsliðinu.
Bailey mætti til Jamaíka á dögunum en hafnaði svo að spila leikinn í dag. Hann segir að knattspyrnusambandið hafi svikið loforð.
Bailey tekur ekki fram hverju var lofað en samkvæmt fregnum þá var honum sagt að yngri bróðir hans, Kyle Butler yrði einnig kallaður í landsliðið.
Jamaíka stóð ekki við það loforð og frekar en að kalla Butler í landsliðið þá var honum boðið að koma á reynslu. Butler spilar fyrir lið FC Juniors í austurríski annarri deildinni.
,,Augljóslega þá kom ég hingað vegna þess að ég var kallaður í landsliðshópinn,“ sagði Bailey.
,,Ég samþykkti að koma því við höfðum náð samkomulagi. Þegar ég kom hingað var sagan önnur.“
,,Þeir stóðu ekki við sitt og ég ákvað því að spila ekki. Ég er hér til þess að spila fyrir þjóðina.“
,,Því miður þá stóðu þeir ekki við sitt loforð. Um leið og þeir gera það þá get ég klætt mig í landsliðstreyjuna.“
