fbpx
Mánudagur 10.desember 2018
433Sport

Knattspyrnumenn sem setið hafa í tukthúsi

Hörður Snævar Jónsson
Föstudaginn 12. október 2018 15:00

Þegar hugsað er um íþróttafólk og knattspyrnumenn eru glæpir ekki eitthvað sem kemur upp í hugann. Knattspyrnumenn eiga það þó til að misstíga sig á lífsins leið, líkt og aðrir. Nú um þessar mundir er einn frægasti knattspyrnumaður allra tíma, Cristiano Ronaldo, sakaður um hrottalega nauðgun. Konan sem sakar Ronaldo um þetta alvarlega brot segir að Ronaldo hafi nauðgað henni árið 2009. Ekkert var gert í málinu á þeim tíma en nú níu árum síðar gæti Ronaldo farið í fangelsi ef sekt hans verður sönnuð. Taka skal fram að Ronaldo harðneitar sök og eru lögfræðingar hans nú í málinu. Fjöldi knattspyrnumanna hefur setið í fangelsi fyrir misalvarleg brot, sumir hafa keyrt fullir, aðrir hafa látið hendurnar tala, sumir hafa framið morð og aðrir misnotað börn.


Adam Johnson
Glæpur – Misnotkun á barni
Adam Johnson var eitt sinn vonarstjarna Englendinga í fótboltanum, hann var kröftugur kantmaður sem Manchester City keypti frá Middlesbrough. Ferillinn var ekki alveg að ganga upp eins og vonir stóðu til og hann fór því til Sunderland. Þar lék hann til ársins 2016 þegar upp komst um kynferðislega misnotkun hans á barni. Johnson hafði þá farið að hitta 16 ára stúlku sem elskaði hann sem íþróttamann. Johnson misnotað aðstöðu sína hressilega og kyssti stúlkuna auk þess að káfa á henni. Johnson fékk sex ára dóm og situr í dag á bak við lás og slá.


Joey Barton
Glæpur – Líkamsárásir
Einn frægasti skaphundur fótboltans hefur oft komið sér í klandur innan vallar en líka utan hans. Barton hefur oft komist í klandur í lífinu en aldrei eins og árið 2008 þegar hann þurfti að fara í grjótið. Um mitt ár var Barton nefnilega dæmdur í fangelsi fyrir harkalega líkamsárás á götum Liverpool. Hann var þá á mála há Newcastle en síðar það árið var hann dæmdur fyrir að berja gamlan liðsfélaga hjá Manchester City. Hann rotaði þá Ousmane Dabo á æfingasvæði Manchester City en fékk skilorðsbundinn dóm fyrir það.


Tony Adams
Glæpur – Keyra fullur
Þessi öflugi varnarmaður sat í fangelsi í nokkra mánuði árið 1990 eftir að hafa verið tekinn ölvaður undir stýri. Hann var með fjórfalt magn af leyfilegu áfengi í blóði sínu. Hann tók út dóm sinn og sneri aftur til Arsenal en hann lék 66 landsleiki fyrir England. Margir hafa haft orð á því að ef Adams hefði ekki slegið í gegn í fótbolta, þá hefði hann endað á vondum stað, honum fannst sopinn helst til of góður.


Marlon King
Glæpur – Kynferðislegt ofbeldi, barsmíðar og hraðakstur
King var rekinn frá Wigan árið 2009 eftir að hafa verið dæmdur fyrir kynferðislegt ofbeldi og barsmíðar. King hafði verið að skemmta sér þegar hann ákvað að káfa á stelpu á dansgólfinu. Þegar hún reyndi að koma sér í burtu þá lamdi King hana harkalega í andlitið með þeim afleiðingum að hún nefbrotnaði. King fékk 18 mánaða dóm en mætti síðan aftur á völlinn. Hann fór svo aftur í fangelsi árið 2014 fyrir ofsaakstur.


Troy Deeney
Glæpur – Barsmíðar
Fyrirliði Watford var eitt sinn á slæmum stað í lífinu og hefði brautin getað orðið mun erfiðari en hún á endanum varð. Deeney ólst upp í Birmingham og þar var hann í slæmum félagsskap. Deeney var árið 2012 dæmdur í tíu mánaða fangelsi fyrir að berja námsmenn á skemmtistað í borginni. Á bak við lás og slá fann Deeney út úr því hvað hann langaði virkilega til að gera í lífinu, og hefur hann náð afar langt miðað við hvað í stefndi þegar hann fór í tukthúsið.


Marcos Alonso
Glæpur – Morð af gáleysi
Marcos Alonso, sem í dag er einn besti varnarmaður ensku úrvalsdeildarinnar, var árið 2011 dæmdur fyrir morð af gáleysi. Alonso var þá í herbúðum Bolton en hann keyrði fullur á vegg með þeim afleiðingum að farþegi í bílnum lést. Farþeginn var 19 ára stúlka, Alonso var á 122 kílómetra hraða og blindfullur. Hann fékk fyrst fjögurra ára fangelsisdóm sem var síðan breytt í 21 mánuð. Að lokum samdi Alonso við fjölskyldu stelpunnar og greiddi henni 500 þúsund evrur og slapp við að fara í fangelsi. Hann er í dag í herbúðum Chelsea og leikur með spænska landsliðinu.


Bruno Fernandes de Souza
Glæpur – Lét hunda éta lík af kærustu sinni
Markvörðurinn frá Brasilíu var árið 2010 dæmdur í 22 ára fangelsi fyrir að láta myrða þáverandi kærustu sína. Hann hafði verið fyrirliði Flamengo sem er stórlið í heimalandinu. Hann faldi lík kærustunnar, bútaði það niður og lét síðan hundana sína borða það. Hann var einnig dæmdur fyrir að ræna syni sínum. Það vakti furðu margra að Bruno fékk ekki lífstíðardóm fyrir þennan ógeðfellda verknað.


Stig Tofting
Glæpur – Barsmíðar
Tofting var harðhaus á vellinum og átti það til að missa stjórn á skapi sínu þar. Hann átti einnig erfitt með skapið utan vallar og það kom honum í fangelsi árið 2003. Sumarið 2002 var Tofting að fagna með danska landsliðinu eftir HM. Þegar fögnuðurinn stóð sem hæst ákvað Tofting að rota eiganda veitingastaðarins þar sem liðið sat að snæðingi. Þetta varð til þess að Tofting fór í fangelsi og samningi hans við Bolton var rift.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Jólabækur Drápu
433Sport
Í gær

Sjáðu atvikið: Salah hafnaði verðlaunum Sky Sports – Liðsfélaginn átti þau skilið

Sjáðu atvikið: Salah hafnaði verðlaunum Sky Sports – Liðsfélaginn átti þau skilið
433Sport
Í gær

Þorvaldur spilaði með Roy Keane: Hann var illa nærður og horaður Íri sem reif kjaft

Þorvaldur spilaði með Roy Keane: Hann var illa nærður og horaður Íri sem reif kjaft
433Sport
Fyrir 2 dögum

Heimir búinn að finna sér lið?

Heimir búinn að finna sér lið?
433Sport
Fyrir 2 dögum

Þorvaldur vann með fyrrum hetju United: ,,Hann var ekki slæmur maður en ekkert rosalega góður þjálfari“

Þorvaldur vann með fyrrum hetju United: ,,Hann var ekki slæmur maður en ekkert rosalega góður þjálfari“
433Sport
Fyrir 3 dögum

Stjörnur Arsenal í vandræðum: Fóru út á lífið og fengu sér „hippy crack“

Stjörnur Arsenal í vandræðum: Fóru út á lífið og fengu sér „hippy crack“
433Sport
Fyrir 3 dögum

Einn frægasti maður Englands bað Þorvald um að baða sig á sögufrægum slóðum: ,,Ég endað með því að sápa á honum bakið“

Einn frægasti maður Englands bað Þorvald um að baða sig á sögufrægum slóðum: ,,Ég endað með því að sápa á honum bakið“