Jón Daði Böðvarsson er einn heitasti íslenski leikmaðurinn í dag en hann spilar með Reading á Englandi.
Jón hefur raðað inn mörkum fyrir Reading á tímabilinu en hann er þó að glíma við meiðsli þessa stundina.
Íslenska landsliðið spilar við Frakkland í æfingaleik í kvöld og mun Jón ekki taka þátt í þeim leik.
Jón setti inn skemmtilega færslu á Facebook síðu sína í gær þar sem hann ræðir föður sinn, Böðvar Þorsteinsson.
Böðvar er að fara gefa út bókina ‘Eins og skot’ og samkvæmt Jóni hefur hann unnið að þessari bók í mörg ár.
Jón segist vera gríðarlega stoltur af föður sínum og hvetur alla til þess að mæta í útgáfuteiti á morgun, þann 12. október.
,,Faðir minn Böðvar Þorsteinsson er að fara gefa út bókina sína “Eins og skot” núna á föstudaginn 12. október. Það verður útgáfuteiti 12.október milli kl 17 & 19 í verslun Hlað. Gaman væri að sjá sem flesta!“ skrifaði Jón á Facebook.
,,Pabbi er búinn að vera að vinna við þessa bók í mörg ár og mæli ég eindregið með henni fyrir allt áhugafólk um skotveiði og hleðslu riffilskota.“
,,Ég er óendanlega stoltur af þér pabbi minn. Vinnuframlag þitt fór ekki framhjá neinum og þú hélst alltaf áfram. Núna er að njóta árangursins, til hamingju“