Bruce Grobbelaar fyrrum markvörður Liverpool segir að fótboltinn hafi bjargað sér og lífi sínu.

Grobbelaar er sextugur í dag en hann var í hernum áður en hann fór í fótboltann.

Hann tók þátt í Rhodesian Bush stríðinu og segist enn fá kaldan svita eftir þá upplifun. Hann hafi drepið fólk og það hafi verið erfitt.

Grobbelaar lék 440 leiki með Liveprool og vann 13 stóra titla á þrettán árum.

,,Þú ert ekki sama persónan eftir svona,“ sagði Grobbelaar þegar hann ræddi um það að hafa drepið fólk.

,,Þú verður að lifa með þessum gjörðum þínum restina af lífinu,“ sagði markvörðurinn frá Zimbabwe.

Hann horfði á þrjá góða vini sína tapa lífi í stríðinu. ,,Svona minningar fara aldrei, vinir mínir í Afríku vilja alltaf ræða þetta en ég vil það ekki.“

,,Fótboltinn bjargaði mér frá þunglyndi, fótboltinn bjargaði lífi mínu. Eftir herinn þá hafði ég fótboltann.“