fbpx
433Sport

Arnór Borg Guðjohnsen sá fyrsti í Guðjohnsen fjölskyldunni til að skora í fyrsta landsleik

Hörður Snævar Jónsson
Þriðjudaginn 11. september 2018 10:30

U19 ára landslið Íslands gerði góða ferð til Albaníu í gær en liðið spilaði þar við heimamenn í æfingaleik.

Albanía hafði betur um helgina 1-0 er liðin áttust við en íslensku strákarnir svöruðu fyrir sig í gær.

Arnór Borg Guðjohnsen gerði tvö mörk fyrir íslenska liðið í leiknum en liðið vann að lokum 4-1 sigur. Birkir Heimisson og Viktor Örlygur Andrason komust einnig á blað í sigrinum.

Arnór kom inn sem varamaður í hálfleik en hann er sonur Arnórs Guðjohnsen sem var goðsögn í fótboltanum og er hann bróðir Eiðs Smára Guðjohnsen.

Arnór Borg var að spila sinn fyrsta landsleik en hann er sá fyrsti í Guðjohnsen fjölskyldunni til að skora í fyrsta landsleik.

Faðir hans Arnór lék sinn fyrsta landsleik með U19 ára landsliðinu árið 1979 í 3-1 tapi gegn Ungverjalandi. Bróðir hans, Eiður Smári lék sinn fyrsta landsleik árið 1992 í 2-0 tapi gegn Englandi.

Synir Eiðs Smára þeir Sveinn Aron og Andri Lucas hafa báðir spilað fjölda landsleikja en skoruðu ekki í fyrsta leik. Andri Lucas lék einmitt gegn Albaníu í gær en hann var í byrjunarliði Íslands, hann samdi á dögunum við Real Madrid.

Arnór Borg er í herbúðum Swansea á Englandi en hann lék með Breiðabliki áður en hann hélt út.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Drengirnir eru fundnir

Ekki missa af

433Sport
Fyrir 3 dögum

Valur skoraði fjögur á tíu mínútum og vann magnaðan sigur – Pedersen markahæstur

Valur skoraði fjögur á tíu mínútum og vann magnaðan sigur – Pedersen markahæstur
433Sport
Fyrir 3 dögum

Plús og mínus – ,,Skil það vel að hann hafi brjálast“

Plús og mínus – ,,Skil það vel að hann hafi brjálast“
433Sport
Fyrir 4 dögum

,,Biluð frammistaða frá 43 ára gömlum leikmanni“

,,Biluð frammistaða frá 43 ára gömlum leikmanni“
433Sport
Fyrir 4 dögum

Einkunnir úr úrslitaleik Stjörnunnar og Breiðabliks – Markmennirnir frábærir

Einkunnir úr úrslitaleik Stjörnunnar og Breiðabliks – Markmennirnir frábærir