Fyrrum framherjinn Salvador Cabanas segir að hann hafi verið á leið til Manchester United frá Club America á sínum tíma.
Cabanas var frábær fyrir Club America en hann skoraði 96 mörk í 115 leikjum. Hann lék með liðinu frá 2006 til 2010.
Cabanas náði sér hins vegar aldrei almennilega á strik eftir atvik sem kom upp á mexíkóskum skemmtistað árið 2010.
Cabanas lenti þar í rifrildi við þekktan eiturlyfjasala sem endaði með því að sá síðarnefndi tók upp skotvopn.
Cabans var skotinn í höfuðið en á ótrúlegan hátt náði hann fullum bata og byrjaði að spila aftur tveimur árum seinna.
,,Ég var búinn að skrifa undir samning og átti að fara til Evrópu fyrir 1,3 milljónir punda. Þeir sögðu mér að áfangastaðurinn væri Manchester United,” sagði Cabanas.
,,Club America tvöfaldaði launin mín og gaf mér íbúð í Acapulco og aðra í Cancun til að halda mér hjá félaginu.”