fbpx
433Sport

Birkir Már: „Fyrirsögnin er mjög villandi“ Ætlar að reyna að horfa á myndina

Ritstjórn DV
Miðvikudaginn 13. júní 2018 13:30

Landsliðsmaðurinn Birkir Már Sævarsson er ekkert sérstaklega gefinn fyrir sviðsljósið og finnst raunar mjög erfitt að horfa á viðtöl við sjálfan sig. Þetta er meðal þess sem kom fram í viðtali Vísis við hann í vikunni.

Birkir kemur fram í heimildarmyndinni Síðasta áminningin sem frumsýnd var í gær ásamt nokkrum öðrum landsliðsmönnum. Myndinni er leikstýrt af Hafsteini Gunnari Sigurðssyni og Guðmundi Birni Þorbjörnssyni og segir meðal annars frá afrekum íslenska karlalandsliðsins í knattspyrnu, en þó frá örlítið öðru sjónarhorni en við eigum að venjast.

Í viðtali við Vísi í gær frá Rússlandi sagði Birkir Már að hann myndi líklega aldrei horfa á myndina. „Ég get ekki horft á sjálfan mig í viðtölum þannig að ég á aldrei eftir að sjá þessa mynd nema að planta mér með hinum strákunum.“
Fyrirsögn greinarinnar var síðan: Birkir Már reiknar ekki með því að horfa á myndina um sjálfan sig.

Annar af forsvarsmönnum myndarinnar, Guðmundur Björn, sló á létta strengi á Twitter og vísaði í umrædda frétt. Við færsluna sagði hann einfaldlega: „Þetta byrjar ekki vel,“ og vísaði í að eitt af viðfangsefnum myndarinnar myndi ekki vilja horfa á myndina.

Hjörtur Hjartarson, íþróttafréttamaður og umsjónarmaður Akraborgarinnar á X-inu, benti Guðmundi þó á að ástæða þess að Birkir myndi ekki vilja sjá myndina væri sú að hann ætti erfitt með að horfa á sjálfan sig í viðtölum. „Viss um að myndin sé frábær. Og það get ég vottað!“

Tístið virðist hafa náð athygli Birkis Más sem svaraði í gamansömum tón undir færslunni: „Fyrirsögnin er mjög villandi Þetta er einmitt eins og @hjorturh sagði hérna í öðru kommenti. Mér finnst gjörsamlega fáránlegt að horfa á viðtal við sjálfan mig. En ég ætla að reyna að koma mér í gegnum það.“

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

433Sport
Fyrir 19 klukkutímum

Það sem þjóðin hafði að segja yfir leiknum – ,,Ísland vs Grænland?“

Það sem þjóðin hafði að segja yfir leiknum – ,,Ísland vs Grænland?“
433Sport
Fyrir 21 klukkutímum

Byrjunarlið Íslands gegn Sviss – Sjö breytingar frá tapinu hræðilega í síðasta mánuði

Byrjunarlið Íslands gegn Sviss – Sjö breytingar frá tapinu hræðilega í síðasta mánuði
433Sport
Í gær

Verður Ronaldo yngri jafn góður og pabbi sinn? – Bauð upp á frábær tilþrif og minnti á föður sinn

Verður Ronaldo yngri jafn góður og pabbi sinn? – Bauð upp á frábær tilþrif og minnti á föður sinn
433Sport
Fyrir 2 dögum

Heppnir að fá einkaflugvél heim og áttu góðan föstudag í Reykjavík

Heppnir að fá einkaflugvél heim og áttu góðan föstudag í Reykjavík