Aron Einar Gunnarsson miðjumaður Cardiff og íslenska landsliðsins er mættur til Katar.
Þar verður Aron næstu daga í endurhæfingu eftir að hafa farið í aðgerð á hné.
Aron meiddist með Cardiff á dögunum, bæði á hné og ökkla.
Miðjumaðurinn er í 23 manna hópi Íslands sem heldur til Rússlands á HM í sumar.
Aron verður í kappi við tímann til að ná fullri heilsu en vonir standa til að dvölin í Doha hjálpi honum.
Aron er fyrirliði liðsins og einn allra mikilvægasti hlekkurinn í besta knattspyrnulandsliði í sögu Íslands.
