Maðurinn sem hneig meðvitundarlaus niður á Heimakletti í Vestmannaeyjum í fyrrdag hét Sigurlás Þorleifsson. Hann komst aldrei til meðvitundar. Sigurlás var fyrrum knattspyrnuhetja í Eyjum og starfaði við góðan orðstír sem skólastjóri í Grunnskóla Vestmannaeyja.
Mikil sorg hefur ríkt í Vestmannaeyjum enda hafði Sigurlás sett sterkan svip á mannlífið í Eyjum, bæði í leik og starfi.
Gamlir og núverandi nemendur í Grunnskólanum í Vestmannaeyjum fóru upp á Heimaklett í gær, þar var kveikt á kertum. Meðal annars var settur upp kross til minningar um þennan merka mann.
Sigurlás hafði verið á göngu með vinum sínum þegar hann hneig niður, endurlífgunartilraunir báru ekki árangur og var hann úrskurðaður látinn á sjúkrahúsinu í Vestmannaeyjum. Sigurlás var 60 ára gamall en hann átti glæstan feril sem knattspyrnumaður og þjálfari. Hann lék tíu landsleiki fyrir hönd Íslands en hann klæddist á ferli sínum búningum Víkings og ÍBV.
Sorg í Vestmannaeyjum – Fyrrum landsliðsmaður í fótbolta og skólastjóri bráðkvaddur á Heimakletti
Þá var Sigurlás þjálfari ÍBV um tíma í meistaraflokki, bæði karla og kvenna auk þess að þjálfa yngri flokka félagsins. Hefur hann átt stóran þátt í uppgangi félagsins. Á Facebook-síðu Grunnskólans í Vestmannaeyjum er greint frá andláti Sigurlásar. Þar minnast margir Eyjamenn Sigurlásar með hlýjum orðum en ljóst er að merkur maður er fallinn frá. Er Sigurlási lýst sem yndislegum, heiðarlegum og duglegum manni sem hafði mikil áhrif á sitt bæjarfélag til góðs. Í tilkynningu frá Grunnskóla Vestmannaeyja segir orðrétt:
Ég hef oft verið stoltur af því að vera fæddur og uppalinn í Vestmannaeyjum. Það er samt á svona augnablikum sem sést hversu mikil samheldnin er í samfélaginu okkar! https://t.co/t0jiWXdvzM pic.twitter.com/LCOUSbfe83
— Gunnar Haraldsson (@gunnarkarl94) April 26, 2018