WBA 2 – 2 Liverpool
0-1 Danny Ings (4′)
0-2 Mohamed Salah (72′)
1-2 Jake Livermore (79′)
2-2 Salomon Rondon (88′)
WBA tók á móti Liverpool í hádegisleik ensku úrvalsdeildarinnar í dag en leiknum lauk með 2-2 jafntefli.
Danny Ings kom Liverpool yfir snemma leiks með sínu fyrsta marki í tæp þrjú ár og Mohamed Salah tvöfaldaði svo forystu gestanna með laglegu marki á 72. mínútu en þetta var mark númer 41 hjá Salah á leiktíðinni.
Jake Livermore minnkaði svo muninn fyrir WBA á 79. mínútu með marki eftir hornspyrnu og það var svo Salomon Rondon sem jafnaði metin fyrir WBA með frábæru skallamarki eftir aukaspyrnu og lokatölur því 2-2 í hörkuleik.
WBA er áfram í neðsta sæti deildarinnar með 25 stig og er 9 stigum frá öruggu sæti þegar þrír leikir eru eftir af deildinni.
Liverpool er hins vegar í þriðja sæti deildarinnar með 71 stig, þremur stigum meira en Tottenham sem er í fjórða sætinu.